Kryetari i BDI-së, Ali Ahmeti ju ka bërë thirrje të gjithë shqiptarëve që të marrin pjesë në marshin “Drejtësi, jo politikë”, i cili do të mbahet më 17 shkurt. Përmes një videos që e ka postuar në rrjetet sociale, ai ka vlerësuar se të gjithë duhet të marshojnë të martën në mbrojtje të ish-krerëve të UÇK-së.
“Të dashur vëllezër e motra, Ju ftoj që të gjithë së bashku të marshojmë për “Drejtësi, jo politikë” më 17 Shkurt 2026, ora 14:00 – Sheshi “Skënderbeu”, Prishtinë, në mbështetje të njerëzve që kontribuan për liri e pavarësi të cilën e gëzojmë ne sot”, ka shkruar ai.