KF Vardari AD ka bërë të ditur se tre futbollistë nga Shkolla e të Rinjve e klubit kanë nënshkruar kontrata profesionale me ekipin e parë, duke konfirmuar vazhdimësinë e projektit të zhvillimit të talenteve të rinj.
Bëhet fjalë për Bleron Bajramin (2008) ,Nikolla Ristevskin (2007), Hristijan Jevtoskin (2008) të cilët janë zotuar të qëndrojnë besnikë ndaj kuqezinjve deri në vitin 2029. Me këto marrëveshje, Vardari konfirmon besimin në potencialin e brezit të ri që po rritet brenda akademisë së klubit.
Si klubi më i trofeshëm dhe më i njohur në futbollin vendor, Vardari vazhdon të investojë në mënyrë të vazhdueshme dhe sistematike në kategoritë e reja, me synimin për të formuar jo vetëm futbollistë cilësorë, por edhe personalitete që do të mbrojnë me dinjitet ngjyrat dhe vlerat e klubit në të ardhmen.
Tre lojtarëve të rinj u dëshirohet shumë sukses, përparim dhe zhvillim profesional me fanellën kuqezi./Televizioni News