Pasditen e së shtunës është raportuar për të shtëna me armë zjarri në lagjen Vranjevc të Prishtinës, konkretisht në rrugën “Fahri Fazliu”.
Lajmi është konfirmuar nga Policia e Kosovës, e cila ka reaguar menjëherë pas marrjes së njoftimit.
Sipas zëdhënësit të Policisë për Rajonin e Prishtinës, Enis Pllana, rreth orës 15:30 njësitet policore kanë dalë në vendin e ngjarjes për të menaxhuar situatën.
Megjithëse janë raportuar të shtëna, autoritetet bëjnë të ditur se tre persona kanë pësuar lëndime që nuk janë shkaktuar nga arma e zjarrit.
Të lënduarit janë dërguar për trajtim mjekësor, ndërsa rasti po hetohet për të sqaruar rrethanat e plota të incidentit.