Temperatura më e ulët e matur mëngjesin e sotëm është regjistruar në Kodër të Diellit, ku gjithashtu është regjistruar shtresa më e lartë e borës, 33 centimetra, njoftojnë nga Drejtoria për Punë Hidrometeorologjike (DPHM), përcjell TV21.
Janë matur –4 gradë Celsius në Kodër të Diellit, –3 në Krushevë, –2 në Mavrovë, Berovë, Tetovë dhe Kriva Pallankë, –1 në Shkup–Zajçev Rid, Prilep, Kumanovë, Manastir, Shtip dhe Kavadar, ndërsa 0 gradë janë matur në Shkup–Petrovec, Pretor, Strumicë, Veles, Ohër, Vinicë, Gjevgjeli dhe Demir Kapi.
Lartësia e shtresës së borës deri në orën 07:00 ishte 33 centimetra në Kodër të Diellit, 15 në Mavrovi Anovi, 13 në Manastir, 8 në Gjurishtë, 7 në Krushevë, 5 në Tetovë dhe Shtip, 2 në Berovë, Pretor dhe Strumicë, si dhe 1 centimetër në Vinicë dhe Kriva Pallankë.
Sasia më e madhe e reshjeve të shiut gjatë 24 orëve të fundit është regjistruar në Gjevgjeli. Sipas të dhënave të DPHM-së, janë matur 14 litra për metër katror në Gjevgjeli, 8 në Strumicë dhe Gjurishtë, 7 në Mavrovë, 6 në Manastir dhe Berovë, 4 në Shkup–Petrovec, Pozharanë, Shtip, Pretor dhe Vinicë, 3 në Tetovë, 2 në Krushevë dhe Kriva Pallankë, si dhe 1 litër në Veles, Ohër, Shkup–Zajçev Rid dhe Topollçan.
Sipas sinoptikëve, sot pritet të jetë pak më ngrohtë krahasuar me ditën e djeshme. Paradite do të mbajë mot kryesisht i vranët, ndërsa pasdite vranësirat do të zvogëlohen. Në orët e paradites pritet paraqitje e mjegullës në disa lugina. Do të fryjë erë e lehtë deri mesatare nga drejtime të ndryshueshme. Temperatura maksimale do të lëvizë nga 2 deri në 7 gradë Celsius.
Në Shkup pritet mot pjesërisht i vranët me intervale me diell. Do të fryjë erë e lehtë nga drejtimi verior. Temperatura maksimale do të arrijë deri në 4 gradë Celsius.
Deri të shtunën moti do të jetë pjesërisht i vranët me rritje të temperaturave ditore. Në disa lugina pritet paraqitje e mjegullës.
Nga fundi i ditës së shtunë priten reshje lokale shiu, ndërsa në zonat malore reshje bore. Reshje më të shumta priten të dielën, veçanërisht gjatë pasdites dhe natës, kur në vendet më të larta ato do të shndërrohen në borë.