Ylli i ri me famë botërore i Barcelonës, Lamine Yamal, vazhdon të jetë në qendër të vëmendjes jo vetëm për paraqitjet e tij në fushë, por edhe për qëndrimet dhe sjelljet jashtë saj.
Yamal, i cili dihet se është mysliman, ka deklaruar edhe më herët se mban agjërim dhe fal namaz. Këtë herë, ai ka folur për përvojën e tij gjatë një vizite në xhami.
“PA MARRË PARASYSH FENË, XHAMIA I JEP NJERIUT QETËSI”
Gjatë udhëtimit me Barcelonën në Arabinë Saudite, ku u zhvillua Superkupa e Spanjës, Yamal vizitoi Xhaminë Sheikh Zayed në Abu Dabi dhe ndau përshtypjet e tij.
“E kaluam gjithë ditën atje. Sinqerisht, pa marrë parasysh se cilës fe i përkisni, ai vend i jep njeriut një qetësi të madhe. Nëse shkoni atje, e ndjeni atë qetësi. Por për ne myslimanët, kjo qetësi është edhe më e thellë,” u shpreh Yamal.