Kandidati për kryeministër nga radhët e Lëvizjes Vetëvendosje, Albin Kurti, ka votuar për zgjedhjet e parakohshme parlamentare të 28 dhjetorit.
Kurti ka bërë thirrje për pjesëmarrje masive në zgjedhje, teksa ka shpresuar që legjislatura e ardhshme ta formojë sa më shpejt Qeverinë dhe ta konstituojë Kuvendin, shkruan Insajderi.
“Porsa votova këtu në Fakultetin Ekonomik të Universitetit të Prishtinës për legjislaturën e 10-të të Kosovës. Sot është një ditë edhe e bukur edhe e rëndëisshme. Ftoj të gjithë qytetarët ta përdorin mundësinë për t’u përcakutar për përbërjen e Kuvendit të ardhshëm dhe uroj dhe besoj dhe punojmë që legjislatura e dhjetë të konstituojë sa më shpejt Kuvendin e ardhshëm dhe ta formojë Qeverinë e re. Ju falënderoj të gjithë qytetarëve për pjesëmarrjet në fushata dhe durimin e angazhimin, vëmendjen që kanë treguar”, ka deklaruar Kurti.
“Unë kam ofruar koalicion në prillin dhe majin e këtij viti dhe ne jemi në zgjedhjet e parakohshme pikërisht pse u refuzua koalicioni. Do të duhej të kemi një rezultat të qartë kësaj radhe, meqenëse shanca për koalicion iku pa fajin tonë”, deklaroi më tej ai. /Insajderi.org/