EVN Home, gjatë kësaj jave, do t’i propozojë Komisionit Rregullator për Energji që çmimi i energjisë elektrike të rritet me rreth 6 për qind nga 1 janari 2026.
Në përllogaritjet e furnizuesit universal është përfshirë edhe çmimi i ri prej 65 euro për megavat-orë, me të cilin ESM do t’ia shesë energjinë elektrike EVN Home nga viti i ardhshëm.
Sipas informacioneve të EVN Home për televizionin Telma, pasi të mblidhen të gjitha kostot dhe të aplikohet marzhi prej 9,9 për qind për furnizuesin universal, rezulton një rritje e përgjithshme e çmimit për amvisëritë, me përfshirjen e tarifës së rrjetit, mesatarisht prej 5,9 për qind.
Nga java e ardhshme pritet që Komisioni Rregullator për Energji të konfirmojë nëse përllogaritja është e saktë apo nëse do të duhet të korrigjohet.(INA)