Kryebashkiaku i shkarkuar i Tiranës, Erion Veliaj ka mbërritur në Gjykatën Kushtetuese.
Ai ka zbritur nga furgoni i policisë i rrethuar nga efektivët, ndërsa përshëndet gazetarët duket buzëqeshur.
Veliaj, doli nga paraburgimi i Durrësit rreth orës 08:30. Ai do të jetë i pranishëm në seancën e Gjykatës Kushtetuese, e parashikuar të zhvillohet në orën 10:00.
Kjo gjykatë do të shqyrtojë padinë e Veliajt kundër vedimit për shkarkimin e tij nga detyra, si dhe dekretit të firmosur nga Presidenti Bajram Begaj.
Gjykata Kushtetuese pezulloi zbatimin e këtij dekreti, në pritje të vendimit përfundimtar.
Veliaj kërkoi të jetë personalisht i pranishëm në seancën, e cila sipas njoftimit zyrtar do të jetë publike./vizionplus.tv