Superliga e Kosovës në futboll nuk ndalet, pasi këtë mesjavë zhvillohen ndeshjet e xhiros së 11-të.
Sot janë në program dy përballje mjaft interesante që pritet të sjellin rivalitet dhe ndeshje të forta.
Në Malishevë, skuadra vendase pret Ballkanin, në stadiumin “Liman Gegaj”. Të dy ekipet kërkojnë vetëm fitoren për të qëndruar afër kreut të tabelës.
Ndërkohë, në Gjilan do të luhet një tjetër ndeshje e fortë mes Gjilanit dhe Dukagjinit.
Vendasit, nën drejtimin e trajnerit të ri Debatik Curri, synojnë rezultat pozitiv, ndërsa mysafirët nga Klina kërkojnë këndelljen pas katër ndeshjeve pa fitore.
Të dyja sfidat e ditës së sotme në Superligë fillojnë nga ora 13:00.