Përplasja mes opozitës dhe mazhorancës për Presidentin e Republikës, Bajram Begaj është kryefjala e ditëve të fundit.
Opozita ka kërkuar shkarkimin e presidentit Begaj, pasi sipas saj ka shkelur Kushtetutën në disa raste.
Gazetarja Denada Kola, e ftuar në Quo Vadis të moderatores Pranvera Borakaj në Vizion Plus, ka theksuar se Begaj është emri i radhës që opozita kërkon për shkarkim, pasi pas zgjedhjeve të 11 majit nuk i ka ngelur shumë për të bërë.
Pjesë nga biseda:
Borakaj: Si e ke parë përplasjen?
Kola: Mendoj se është emri tjetër që kërkon opozita, nuk është i pari. Mendoj se zgjedhjet e 11 majit nuk i kanë dhënë më shumë mundësi për të bërë opozitës. Mendoj se përmes seancave parlamentare do të kërkojë të ketë mundësi të faktorizohet. Numrat nuk i lejojnë më shumë se sa kaq, edhe kjo nismë do të duhet të kalojë për votim.