-Dr. Zekirja Shaini vjen nga një familje patriote dhe e respektuar, jo vetëm në Sllupçan dhe në të gjithë Komunën e Likovës, por edhe në mbarë trevat shqiptare.
Që në moshë të re, atëherë kur vendi kishte më së shumti nevojë, ai iu përgjigj thirrjes së atdheut, duke qenë ushtarë i Ushtrisë Çlirimtare Kombëtare gjatë luftës së lavdishme të vitit 2001.
Si profesionist i përkushtuar, d-r Zeka, siç njihet kudo, ka treguar gjithmonë guxim dhe humanizëm.
Gjatë pandemisë së shkaktuar nga virusi Covid-19, ai ishte ndër të parët që u përball drejtpërdrejt me sfidën, duke shkuar vullnetarisht në Dibër për të ndihmuar bashkatdhetarët tanë, e më pas duke qëndruar pranë çdo pacienti që kishte nevojë për trajtim dhe kujdes mjekësor.
Përveç profesionit, ai ka qenë gjithmonë i angazhuar edhe në jetën shoqërore e kulturore të komunës sonë. Vlen të veçohet kontributi i tij i rregullt në organizimin e Manifestimit Qendror të 2 Majit – Shpalljes së Zonës së Lirë, përkrahja e sportit përmes klubit futbollistik “Besa” dhe mbështetja e Shoqërisë Kulturore-Artistike “Jeta e Re”.
Dr. Zekirja Shaini është dëshmuar si i suksesshëm edhe në politikëbërje. Besimi i madh qytetar që ai fitoi para katër vitesh, së bashku me kryetarin Erkan Arifi, krijoi një tandem të pandashëm, i cili në bashkëpunim me këshilltarët komunalë dhe administratën, realizoi projekte kapitale me rëndësi të madhe për komunën tonë – nga Llojani deri në Nikushtak. Këto investime do të mbeten gjithmonë në shërbim të banorëve të Likovës.
Pikërisht ndaj këtij kontributi të pamohueshëm, Lista e AKI-së me në krye dr. Zekirja Shainin, meriton mbështetje të fuqishme dhe më të madhe se kurrë më parë. Në kohën kur përballemi me padrejtësi dhe nënçmime të vazhdueshme, është përgjegjësi e secilit qytetar që t’ia japë besimin një kandidati të dëshmuar me vepra e jo vetëm me fjalë.
#Vazhdojmë +4 për një Likovë më të zhvilluar, më të bashkuar dhe më të fortë!