Duhet të dihet për çfarë personaliteti është fjala kur komentohet çdo fjalë e tij. Me sa duket, dikush është çmendur dhe nga mllefi nuk e di as çfarë flet, as në çfarë baze akuzon ose shpif ndaj një personi. Shpesh ndodh që duke u munduar të kritikojnë, në fakt lavdërojnë dhe e forcojnë bindjen se vërtet për këta njerëz ia VLEN.
Ne jemi shqiptarë dhe myslimanë dhe nuk e fshehim këtë, përkundrazi krenohemi me identitetin tonë kombëtar dhe fetar. Në Çair, njëri nga liderët e VLEN-it, Zeqirija Ibrahimi, në hapjen e shtabit mori dy shembuj simbolikë konkretë që shpjegonin saktë situatën në të cilën jemi dhe tregoi se si ai është inspiruar për t’i dhënë zgjidhje problemeve duke u bazuar në historinë tonë kombëtare dhe në ngjarjet fetare që kanë ndodhur në kohën e Muhamedit a.s.
Dhe realisht, një intelektual, profesor dhe doktor shkencash, është krejt normale që shembujt e tij t’i mbështesë në ngjarje reale dhe të kuptueshme për masën. Për shembullin e tij në aspektin kombëtar nuk foli askush, madje askush nuk i përmendi personalitetet historike që Zeka mori si shembull, e askush nuk tha se ai e krahasoi veten me ta. Por në shembullin fetar të zgjidhjes së problemeve pati reagime – dhe ato nga më të çuditshmet. Reagimet ishin edhe qesharake, edhe të mjerueshme, madje edhe të tmerrshme.
Zeka nuk e krahasoi Izetin me Muhamedin a.s, por dha një shembull nga i cili kanë marrë mësim si ai vetë, edhe Izeti. Dhe nuk e dimë se çfarë të keqe ka këtu. Por e dimë pse u pengoi kjo gjë: sepse ata që reaguan kanë ndryshuar edhe identitet kombëtar, edhe bindje fetare. Ata u bënë romë e torbesh dhe u bënë edhe xhemat i Tim Shkupit, që askush nuk e di çfarë lloji specie është.
Ata nuk janë mësuar të marrin shembuj nga historia kombëtare, sepse për ta ideologjia kombëtare është enverizmi, ndërsa bindja e tyre është ateizmi. Ata nuk flasin për komb e fe, por për mbjellje sallatash, Soravia, Llotarinë e Eurovian. Ata janë mësuar me përralla se si një shizofren e paska prishur Jugosllavinë dhe si ai që e paska prishur një herë, pastaj kthehet ta ndreqë mini-Jugosllavinë përmes Ballkanit të Hapur të Llavrovit dhe Vuçiqit. Ata janë injorantë, hajdutë dhe kriminelë!
Zeka e di çfarë flet, dhe ne që e njohim, e kuptojmë saktë se për çfarë e ka fjalën. Shembujt e tij i kuptojmë shumë lehtë, dhe realisht e kemi amanet që për zgjidhjen e problemeve tona të mbështetemi në ngjarje reale të kombit dhe fesë sonë.
Nuk është turp të ndiqet Muhamedi a.s e as rilindasit tanë kombëtarë. Turp është të biesh në nivelin e atyre që nuk e dinë çfarë janë duke thënë dhe çfarë janë duke bërë.
Sidoqoftë, ju vazhdoni në injorancën tuaj, ndërsa ne do të vazhdojmë me bindjet tona të pastra fetare dhe kombëtare.
Me Zekën, sepse ia VLEN!