Presidenti amerikan Donald Trump ka dyfishuar tarifat ndaj Indisë, duke i çuar ato në 50 % përqind e duke përmbushur kështu paralajmërimin ndaj vendeve që blejnë naftë ruse me çmim të ulët.
Vendimi hyri në fuqi siç ishte planifikuar këtë të mërkurë, duke përshkallëzuar tensionet mes dy partnerëve strategjikë më të mëdhenj në botë.
Tarifa ndëshkuese nga më të lartat të vendosura nga SHBA ka efekt për pjesën më të madhe të mallrave përfshirë veshjet, gurët e çmuar, këpucët, mallra sportive, mobilje kimikate dhe prodhimet e detit. Përjashtim bëjnë vetëm një kategori e vogël.
Presidenti amerikan ka argumentuar se Nju Delhi po ndihmon në mënyrë indirekte në financimin e luftës në Ukrainë, ndërsa ekspertët thonë se ky veprim është autogol pasi eksportuesit e prekur do të orientohen drejt tregjeve si Kina, Amerika Latine dhe Lindja e Mesme.
Ndërkohë, grupet e eksportuesve vlerësojnë se rritjet e çmimeve mund të ndikojnë në gati 55% të eksporteve të mallrave të Indisë në SHBA prej 87 miliardë dollarësh, ndërkohë që përfitojnë konkurrentë të tillë si Vietnami, Bangladeshi dhe Kina.
Që prej marrjes së mandatit të dytë në krye të Shtëpisë së Bardhë, presidenti amerikan Trump ka përdorur tarifat kundrejt vendeve nga e gjithë bota për të arritur atë që ai e quan tregti reciproke dhe të drejtë si dhe për të arritur marrëveshje politike.
/vizionplus.tv