Presidenti i Këshillit Evropian Antonio Costa ka dhënë një deklaratë pas bisedimeve të liderëve europianë , Zelenskyt dhe presidentit amerikan Donald Trump ditën e djeshme në Shtëpinë e Bardhë.
“Tani është koha për të përshpejtuar punën tonë praktike për të vendosur në vend një garanci të ngjashme me Nenin 5 të NATO-s me angazhim të vazhdueshëm të Shteteve të Bashkuara”, tha Antonio Costa.
Costa tha se garancia kryesore e sigurisë një temë kyçe diskutimi që nga bisedimet e Donald Trump me Vladimir Putin të premten duhet të jetë që Ukraina të ketë forca të armatosura të afta për të mbrojtur sovranitetin e saj.
Ai ka folur gjithashtu për nevojën për të avancuar në bisedimet trepalëshe të cilat do të përfshijnë Trump, Putin dhe Volodymyr Zelenskyy- dhe për anëtarësimin e Ukrainës në BE.