E ardhmja e Ylber Ramadanit te Lecce raportohet se është vënë në pikëpyetje, pavarësisht se ai konsiderohet një prej lojtarëve kyç të skuadrës italiane.
Sipas medieve italiane, Lecce po pret një ofertë të rëndësishme për mesfushorin shqiptar, i cili është në krye të listës së dëshirave të trajnerit të Al-Ain.
Krerët e klubit arab e shohin Ramadanin lojtar ideal për skuadrën e tyre të cilin synojnë të blejnë gjatë kësaj verë.
Megjithatë, një pengesë për transferimin reprezentuesit të Shqipërisë në Arabi është trajneri i Lecces, Eusebio Di Francesco, i cili nuk është në favor të shitjes së Ramadanit.
Italiani ka në dispozicion vetëm dy lojtarë që mund të luajnë para mbrojtjes – francezin Pierret dhe vetë Ramadanin – çka e bën çdo largim në këtë repart të vështirë për t’u kompensuar.
Pavarësisht kundërshtimit të Di Francescos, nëse në tavolinë arrin një ofertë e majme, Lecce nuk pritet të refuzojë shitjen e 29-vjeçarit shqiptar, i cili ka qenë ndër më të spikaturit në sezonin e fundit në Serie A.