Pas paralajmërimeve të KESCO-s për mungesë të theksuar të energjisë elektrike në ditët në vijim, Korporata Energjetike e Kosovës (KEK) ka reaguar sërish, duke kundërshtuar lajmet dhe “spekulimet” të cilat thonë se ka ndalje të plotë të prodhimit vendor.
Në reagimin e fundit, KEK sqaron se blloku A3 është duke prodhuar 110 MW/h ndërsa njësia B1 është në funksion me 263 MW/h.
“Për të gjithë ata që duan saktësi, jo spekulime: Siç shihet në fotografi, njësia A3 është duke prodhuar 110 MW/h dhe njësia B1 aktualisht 263 MW/h. KEK NUK është në 0 MW/h – mos u bazoni në lajme të pavërteta”, thuhet në njoftimin e tyre.