Zëvendëskryeministri i parë, Izet Mexhiti, në një deklaratë për media bëri të ditur se janë mbyllur gjithsej 226 kazino online që kanë vepruar në territorin e Maqedonisë së Veriut.
Sipas tij, ky hap përbën një ulje prej 40% të numrit të kazinove online, ndërsa paralajmëroi se në vazhdim pritet të mbyllen edhe të tjera që operojnë në mënyrë të paligjshme.
“Ky është vetëm fillimi. Lufta kundër varësisë nga bixhozi dhe mbrojtja e qytetarëve do të vazhdojë,” deklaroi Mexhiti.
Ai gjithashtu bëri apel te qytetarët që të denoncojnë kazinotë online, në mënyrë që institucionet përkatëse të mund të ndërmarrin masa ndaj tyre.(INA)