Ish futbollisti i Kombëtares së Shqipërisë, Migjen Basha, është deklaruar para ndeshjes së sotme.
Basha u deklarua shumë optimist për një fitore të mundshme, në atë që e sheh edhe si ‘hakmarrje’, nga humbja prej 0 me 2 në ‘Elbasan Arena’.
Në një prononcim për ‘GazetaBlic Sport’, Basha tha poashtu se i ka mbetur një peng nga ai rezultat, dhe një triumf në ‘Air Albania’, do t’ia largonte atë.
“Besoj që do të fitojmë dhe jam shumë optimist që Shqipëria do ta mposhtë Serbinë. Kemi lojtarë me shumë kualitet, edhe pse disa janë në moshë të re, kanë disa vite eksperiencë në kombëtare. Isha prezent kur humbëm 0 me 2 ndaj Serbisë në Elbasan, më ka mbet një peng dhe mërzi, shpresoj që kjo mërzi të më largohet nga një fitore sonte”, deklaroi Basha.
Tutje, ai u pyet edhe mungesën e ‘Tifozave Kuq e Zi’ dhe për atmosferën se si e pret që të jetë në ‘Air Albania’.
Basha, e kujton me nostalgji edhe kohën kur ndeshjet zhvilloheshin në “Qemal Stafa”, me armosferën që ishte fantastike, duke deklaruar se i vjen shumë keq që ‘Tifozat Kuq e Zi’, nuk do të jenë në stadium.
“Atmosfera gjithmonë ka qenë fantastike edhe kur luanim në Qemal Stafa. Sonte, të gjithë do ta motivojnë skuadrën edhe me shumë që të fillojmë mbarë këtë edicion.
Më vjen shume keq për këtë situatë që ka ndodhur, sepse ata gjithmonë kanë qenë prezent pranë skuadrës”, përfundoi Basha.
/GazetaBlic Sport/