Deputetja e Lëvizjes Vetëvendosje, Arbëresha Kryeziu, ka bërë të qartë se subjekti i saj politik do të votojë vetëm dy kandidatë nga Partia Demokratike e Kosovës (PDK) për nënkryetarë të Kuvendit – Nait Hasanin dhe Sala Jasharin.
Kryeziu ka theksuar se Vetëvendosje nuk do të mbështesë asnjë kandidat tjetër për këtë pozitë, dhe se ndaj Lidhjes Demokratike të Kosovës (LDK) do të veprojnë me “reciprocitet”.
“Është qëndrim i yni që nuk do të votojmë asnjë emër tjetër për nënkryetar nga radhët e PDK-së, përveç Nait Hasanit dhe Sala Jasharit. Ndërkohë që kemi reciprocitet ndaj LDK-së dhe nuk pranojmë asnjë propozim nga ana e tyre”, ka theksuar deputetja e VV-së.
Mes tjerash, ajo ka deklaruar se “opozita nuk e di as vetë çfarë dëshiron – nuk do as zgjedhje, as zhbllokim; ndoshta vetëm ndonjë koalicion me ata që janë mësuar në të kaluarën”.
Kuvendi i Kosovës ka dështuar për herë të 27-të të konstituohet, për shkak të mungesës së konsensusit.