Sulmuesi Albion Rrahmani sipas të gjitha gjasave sezonin e ardhshëm do ti prijë sulmit të Rapid Bukureshtit.
Mediumet në Çeki kanë raportuar se Rrahmani edhe zyrtarisht është në bisedimet me Rapidin për t’u kthyer te skuadra nga Bukureshti pas një sezoni te Sparta e Pragës.
Rrahmani verën e shkuar u transferua te Sparta nga Rapidi për 5 milionë euro, ndërsa ekipi rumun mund ta blejë kartonin e tij për vetëm 2.5 milionë euro.
Sulmuesi i Kombëtares së Kosovës nuk ka bindur me paraqitjet e tij te Sparta dhe skuadra çeke tashmë e ka nxjerrë në shitje pasi Rrahmani nuk bën pjesë në planet e klubit për të ardhmen.
Rrahmani po shihet si përforcim i madh te Rapidi, ekip për të cilin luajti në sezonin 2023/24 kur iu bashkua nga Ballkani dhe realizoi 17 gola në kampionatin e Rumanisë.
Këtë sezon, 24-vjeçari ka realizuar 11 gola dhe ka bërë 3 asistime në 36 ndeshje të luajtura në të gjitha garat.