Policia e Kosovës ka arrestuar një 19-vjeçar të dyshuar për vrasjen e rëndë të një të riu në Vushtrri.
Ngjarja ndodhi mbrëmjen e 23 marsit në rrugën “Galip Badivuku”, ku një i ri u qëllua me armë zjarri.
“Dje rreth orës 20:35, policia ka pranuar informatën për të shtëna me arme zjarri në rrugën ‘Galip Badivuku ’ në Vushtrri
Nga hetimet e para nga vendi i ngjarjes, ishte bërë e ditur se një person i dyshuar kishte shtënë me armë në drejtim të viktimës A. Z., 19 vjeçar. VIktima është dërguar në Spitalin e Vushtrrisë ku nga autoritetet spitalore është konfirmuar se viktima ka ndruaj jetë. Me urdhër te Prokurorit, trupi i pajetë i viktimës dërgohet në IML për obduksion.
Nga hetimet e kryera në vendin e ngjarjes dhe ekzaminimet e kryera, hetuesit policor si prova materiale kanë gjetur dhe sekuestruar tri (3)gëzhoja”, thuhet në njoftim.
Ndërkohë, i dyshuari, B. D., po ashtu 19 vjeç, është arrestuar dhe nga ai është konfiskuar një pistoletë, që dyshohet të jetë arma e përdorur në kryerjen e krimit.
Policia ka kryer një bastisje në shtëpinë e të dyshuarit, ku ka gjetur dhe konfiskuar edhe një armë të gjatë me pesë fishekë.
“Hetuesit policorë kanë identifikuar dhe arrestuar të dyshuarin B. D., 19 vjeçar nga i cili është konfiskuar një armë pistoletë që dyshohet të jetë përdorur nga i dyshuari në kryerjen e veprës penale. Në shtëpinë e të dyshuarit është realizuar bastisje ku është gjetur dhe konfiskuar edhe një armë e gjatë me pesë (5) fishek.
Me aktvendin të porokurorit të dyshuarit i është caktuar masa e ndalimit policor.
Rrjedha hetimore është duke vazhduar në koordinim me prokurorin e rastit për zbardhjen e plotë të të gjitha rrethanave që ndërlidhen me rastin e veprës penale vrasje e rëndë”, thuhet më tej në njoftim.