Katër persona kanë mbetur të lënduar pas një aksidenti në mes një veture dhe kamionete në autostradën “Ibrahim Rugova”, në drejtimin Suharekë – Duhel.
Këtë e ka bërë të ditur për Portalin Dukagjini, Zëdhënësi i Policisë së Kosovës, Daut Hoxha i cili shtoi se të lenduarit janë transportuar për trajtim mjekësor.
“Ju konfirmoj se sot, rreth orës 15:00, në autostradën “Ibrahim Rugova”, në drejtimin Suharekë – Duhel, në kilometrin 41, ka ndodhur një aksident trafiku mes dy automjeteve: 1. Audi A3, ngjyrë e zezë, me targa vendore, dhe 2. Kamionetë Mercedes, ngjyrë e gjelbër, mercedes. Si pasojë e aksidentit, katër persona kanë mbetur të lënduar, të cilët janë transportuar me autoambulancë për trajtim mjekësor. Policia ka dalë menjëherë në vendngjarje per te kryer hetimet për shkaqet e aksidentit.
Policia e Kosovës rikujton të gjithë pjesëmarrësit në trafik që të respektojnë rregullat e trafikut dhe të shtojnë kujdesin, veçanërisht në autostrada dhe rrugë me frekuentim të lartë. Respektoni shpejtësinë e lejuar.
Mbani distancën e sigurisë Mos drejtoni automjetin nën ndikimin e alkoolit apo lodhjes. Përdorni rripat e sigurisë Mos perdorni telefonin gjate vozitjes Çdo veprim i pakujdesshëm mund të ketë pasoja të rënda për jetën dhe sigurinë e të gjithëve”, ka thënë Hoxha.