Llausha Zenuni, gazetare dhe aktiviste e shoqërisë civile, në emisionin e pasdites në Pastel, tregoi arsyet konkrete se çka e shtynë Llaushën të ndjek fenomenin që ka prekur pothuajse shumicën dërrmuese të rajonit, Kosovë, Shqipëri, Maqedoni e Veriut dhe diasporë.
“Nga bisedat e përditshme, ajo çfarë shkruhet e flitet në rrjetet sociale shoh një tendencë të madhe për të kritikuar këtë format të programit për ta etiketuar dhe quajtur si degjenerim. Mirëpo në anën tjetër, hiç më larg se mbrëmë, unë isha duke e ndjek në youtube që për të qenë edhe koherente me bisedën e sotshme, e bashkë me mua në të njëjtën kohë ndjekej edhe nga 300-350 mijë shikues”, tha Llausha Zenuni, gazetare dhe aktiviste e shoqërisë civile.
Ajo shtoi tutje se ky është fenomen në vetvete sepse ka shikueshmëri të hatashme, që këta nuk janë fantazma por janë njerëz që e kritikojnë ditën e shikojnë natën.
Nuk janë fantazma këto që e ndjekin Big Brother, janë qenie reale të cilët po e ndjekin. Dhe, nuk po flasim për numër të vogël të njerëzve. E pjesa më e madhe e tyre janë ata që e kritikojnë. Pra, është e pakuptimitë ata që e kritikojnë edhe e ndjekin” përfundoi Zenuni.

