Në mbledhjen e fundit të Qeverisë, ndër të tjera Kryeministri i vendit, Albin Kurti ka lutur qytetarët për kursim të rrymës.
Ai ka kërkuar nga qytetarët që ta “racionalizojnë” konsumin e energjisë elektrike.
“Si çdo dimër paraprak, qytetarët i lusim që të racionalizojmë konsumin e energjisë elektrike veçanërisht gjatë orëve 18 deri në mesnatë, në të mirë të sigurisë së furnizimit për vete dhe për gjithë vendin tonë”.
Tutje Kurti ka thënë se shqetësimet për mungesë të energjisë elektrike i kanë përcjell te KOSTT-i dhe KEDS-i.
“Inaugurimi i nën-stacionit të ri në Fushë Kosovë para një jave dhe sanimi i dëmit nga zjarri në nën-stacionin Prishtina 3… kanë pasur ndikim shumë pozitiv në furnizimin e këtyre rajoneve, rezultate presim edhe në Ferizaj”, është shprehur Kurti.