“Nëse ju më doni mua 50% sa ju dua, unë juve kemi, me i marrë 70%”, ka thënë Albin Kurti – Kryeministër dhe Kryetar i Lëvizjes Vetëvendosje.
Në zgjedhjet e 14 shkurit i mblodhi mbi 438 mijë vota, ndërsa më 9 shkurt të paktën me gojën e tij po e thotë se synojnë një rekord tjetër.
“Ta sigurojmë fitoren e madhe të Lëvizjes Vetëvendosje të Republikës sonë, për gjysëm milioni apo 500 mijë vota në zgjedhjet parlametare të radhës”, ka thënë Albin Kurti – Kryeministër dhe Kryetar i Lëvizjes Vetëvendosje.
Prezantimi i listës së kandidatëve për deputetë, shfaqi apetitet që synon kreu i partisë, aptetite të cilët nëse përkthehen në votë, ia vazhdojnë edhe një mandat si Kryeministër.
Por çka thonë numrat, çka nënkuptojnë për partitë tjera 500 mijw vota për Lëvizjen Vetëvendosje?!
Në zgjedhjet e fundit kanë votuar gati 872 mijë qytetarë, dhe në rast se Vetëvendosje do t’i merrte 500 mijë vota, do të korrte 57.4% të elektoratit. Nëse zbriten rreth 110 mijë vota të partive jo-shumicë, i bie që PDK, LDK, AAK dhe partitë tjera shqiptare do të mbeteshin me vetëm 30% të votave me 260 mijë votues, gjithmonë sipas matematikave të Lëvizjes Vetëvendosje.
Eh nëse ëndrra e kryeministrit Albin Kurti për 70% të votave kthehet në numra, bazuar në numrin e votuesve nw zgjedhjet e fundit, Lëvizja Vetëvendosje i bie t’i ketë mbi 610 mijë vota, 170 mijë vota më shumë se në zgjedhjet e 14 shkurtit.
Një fakt që duhet cek është se në zgjedhjet e fundit është shënuar dalja më e lartë ndër vite, 48.7%, ndërsa krahasuar për shembull me vitin 2017, kur ishte 41.3% me po aq qytetarë me të drejtë vote. Më 2017 kishte më shumë se 30 mijë qytetarë me të drejtë vote, por votuan 124 mijë votues më pak.
500 mijë vota ose 70% përpos si numër ka edhe shpjegim politik, gjë që nuk është e rastësishme sipas njerëzve që e njohin shumë mirë Lëvizjen Vetëvendosje e po ashtu edhe Kurtin.
“Kjo është problematike në kuptimin e asaj që kryesisht Lëvizja Vetëvendosje pothuajse ka përfunduar pothuajse në çdo diskutim në çështje shifrash numrash, 500 mijë kaq për qindje, edhe më shumë është duke rrëshqitur çdo herë më shumë tek idea e fuqisë, e forcës, e jo tek një koncept politik apo tek një përmbajtje politike të cilën e ka karakterizuar ndër vite”, ka thënë Belgzim Kamberi – Analist.
Ish-shefi i Sekretariatit për Mediat, thotë se edhe Lëvizja Vetëvendosje nuk ka shpëtuar nga logjika se forca dhe pushteti bëhen më të rëndësishme sesa përmbajtja e programit dhe rezultatet qeverisjes. Sipas Kamberit, polarizimi dhe 500 mijëshi për efekt mobilizues janë dy pistat kryesore që po duket se Kurti ka zgjedhur për zgjedhjet e 9 shkurtit.