Futbollistët e Real Madridit ndodhen në Katar, ku nesër do të luajnë finalen e Kupës Ndërkontinentale.
Kundërshtari i fituesit të Champions League është ekipi nga Meksika, Pachuca. Ndryshe nga Reali, fituesi i Kupës së Kampionëve CONCACAF ka 12 ditë që ndodhet në Katar dhe tashmë ka fituar ndaj Botafogo (3:0), para se të arrijë në finale me Realin.
Edicioni i parë i kompeticionit të ri të FIFA-s ofron gjithashtu një mundësi unike për Luka Modric.
Siç raportohet nga AS, Modric do të ketë mundësinë të ngrejë një trofe si kapiten i Real Madridit dhe të çimentojë më tej statusin e tij legjendar duke fituar trofeun e tij të 28-të me klubin. Nëse ai do të ketë sukses – do të dihet të mërkurën në mbrëmje. Ndeshja luhet nesër në orën 18:00.
Modriç fitoi trofeun e tij të parë me Real Madridin si kapiten pas fitores 2-0 ndaj Atalantës në Superkupën e UEFA-s. Ky ishte edhe titulli i tij i 27-të me klubin madrilen, për të cilin luan që nga viti 2012 dhe për të cilin mban rekordin për më shumë gara të fituara.
/GazetaBlic Sport