Kryeministri i Kosovës, Albin Kurti ka “refuzuar” të flas rreth ftesës së bërë nga Prokuroria Speciale ku ishte ftuar të dëshmojë në cilësinë e dëshmitarit në lidhje me rastin e rezervave shtetërore.
Gazetarja e TV Dukagjinit, Dorentina Thaqi ka bërë të ditur se pavarësisht insistimit të gazetarëve, Kurti nuk ka pranuar të flas rreth çështjes për ftesën e Prokurorisë.
Kurti sot është kthyer nga vizita zyrtare e bërë fillimisht në Kroaci pastaj edhe në Slloveni.
Ndërsa, aktualisht Kurti është pjesëmarrës i ngjarjes nga Organizata Zëri i Romëve, Ashkalinjve dhe Egjiptianëve (VORAE) i cili mban edicionin e IV-të të eventit “Let’s Talk” 2024.