Analisti Viktor Buzhala ka komentuar me renditjen e kandidatëve për deputetë në listën e Partisë Demokratike të Kosovës (PDK), duke e cilësuar atë si “renditje shoqërore”.
Sipas Buzhalës, Drenica ka një mbështetje të madhe elektorale për PDK-në, por nuk ka asnjë përfaqësues nga ky rajon në top 5 të listës.
“Kjo është listë shoqërore nëse mund ta quajmë ashtu. Memli për shembull me Uranin që janë në 5-she kanë qenë shokë banke. Edhe Vlora shoqe e klasës me ta. Tre shokë të klasës në top 5. Që mendoj është gabim. Realisht Vlora është politikania ime e preferuar sa i përket grave. Por problemin e kam me Uran Ismailin që nuk e ka vendin aty, në top 5. Parti e cila rrënjët në Drenicë,e cila ka votë masive në Drenicë që 25 vjet, nuk ka asnjë të Drenicës në top 5-she.
Po shihet që është renditje shoqërorë, në bazë të shoqërisë”, ka thënë Buzhala në Debat Plus.