Kryetari i Kuvendit Afrim Gashi beson se ka tentime artificiale për nxitjen e tensioneve në vend. Ai u kërkon politikanëve që ta praktikojnë kritikën, në vend që të bëjnë karrierë nga tensionet ndëretnike.
“Ka tentime për nxitje artificiale të tensioneve, sepse mendoj se qytetarët në këtë vend jetojnë mirë, pajtohen pavarësisht dallimeve që kemi. Mendoj se të gjitha partitë që përpiqen të bëjnë karrierë politike nga tensionet ndëretnike nuk i dëshirojnë popullin e tyre apo vendin e tyre”.
“Unë bëj thirrje që të mos luajmë në atë pjesë. Kemi një milion gjëra të tjera në politikë, si kritika, interpelanca, duhet të përdoren të gjitha mjetet demokratike në dispozicion të opozitës, por krijimi i tensioneve të panevojshme nuk është mirë për shtetin dhe marrëdhëniet ndëretnike”, thotë Gashi.