Kosova për herë të parë ka arritur që t’i realizojë tri fitore radhazi në ndeshje zyrtare.
Dardanët po kalojnë nëpër një formë fantastike dhe këtë e dëshmuan në javët e fundit, shkruan Telegrafi. Fillimisht triumfuan 4-0 në udhëtim te Qipro, duke u rikthyer fuqishëm nga disfata me Rumaninë.
Në këtë muaj, Kosova kompletoi të dy ndeshjet të muajit tetor, kur triumfuan 2-1 në udhëtim te Lituania.
Në përballjen e dytë, të zhvilluar sonte në stadiumin “Fadil Vokrri”, Dardanët fituan 3-0, një gol më pak e sa ndeshja si mysafir.
Kjo shënon një rekord për Kosovën në aspektin e ndeshjeve zyrtare, duke marrë tri fitore radhazi për herë të parë që nga pranimi i Kosovës në UEFA dhe FIFA.
Kishim katër fitore radhazi, por ato ishin të arritura në ndeshje miqësore, ndërsa kemi po ashtu edhe 15 ndeshje pa pësuar disfatë, duke llogaritur si duelet zyrtare dhe ato miqësore.