“Bosnja dhe Hercegovina na informon se nuk njeh dokumente me emrin e vjetër (karta identiteti dhe pasaporta)”. Këtë e ka bërë të ditur ministri i jashtëm Bujar Osmani.
Sipas tij, vendet anëtare të BE-së vendosin vetë se si do të merren me vlefshmërinë e pasaportave të Maqedonisë së Veriut.
“Një shtet ka qëndrim formal, të tjerët janë më praktik, por në përgjithësi qytetarët nuk kanë pengesa të mëdha për kthimin në shtëpi”, tha ministri i MPJ-së, Bujar Osmani për gjendjen me pasaportat me emrin e vjetër kushtetues.
Ai shtoi se mesazhi është se shumica e vendeve lejojnë lëvizjen me pasaportat e vjetra, nëse ato janë të vlefshme, por zyrtarisht nuk mund të informojë sepse nuk ka informacion zyrtar nga vendet e Evropës. Për Zvicrën, Osmani tha se ka dorëzuar një notë që lejon hyrjen me pasaporta të vjetra.
Sa i përket largimit nga vendi, shton Osmani, ligji ynë nuk e lejon – ligji i MPJ-së.
“Të gjitha përpjekjet për të bërë presion publik për zgjatjen e afatit të pasaportave janë të pandershme pa u ulur në tavolinë mes palëve. Kushtetuta thotë se ato nuk mund të ndryshohen me ligj. Marrëveshja e Prespës është në fuqi dhe ne e respektojmë dhe e zbatojmë. Mund të ulemi dhe të bëjmë plane, të ulemi”, tha shefi i diplomacisë.
Sipas Osmanit, nevoja më urgjente është blerja e stacioneve të reja bazë dhe shpërndarja e tyre në përfaqësitë konsullore të Maqedonisë në vendet tjera, si dhe që formularët për dokumentet e udhëtimit të arrijnë sa më shpejt.