Ministri i Shëndetësisë, Fatmir Mexhiti në brifingun e sotëm me gazetarët tha se Kuvendi dhe deputetët do të vendosin nëse ai do të vazhdojë të jetë ministër në Qeverinë teknike.
Mexhiti është i bindur se pas zgjedhjeve të 8 majit, sërish do të udhëheq me Ministrinë e Shëndetësisë.
“Fatmir Mexhiti është ende ministër i Shëndetësisë, nuk do të japë dorëheqje. Kam punuar me nder dhe nuk kam pse japë dorëheqje. A do të jem edhe tutje ministër, do të vendosin deputetët dhe Kuvendi. Por premtoj se pas muajit maj, do të jem sërish ministër”, theksoi Mexhiti.
Mexhiti gjithashtu tha se nuk është e vërtetë se ai do të shkarkojë drejtorët e BDI-së.
“Ju premtoj që përderisa jam ministër askush nuk mund t’i prekë dhe i respektoj”, thotë Mexhiti.
Mirëpo, sipas tij, drejtorët kanë marrë pushim mjekësor por nuk kanë qenë të sëmurë./Telegrafi/