TV News
Maqedoni

Më shumë se gjysma e qytetarëve të Maqedonisë nuk mund ta përballojnë pushimin vjetor

Mbi gjysma e qytetarëve të Maqedonisë së Veriut nuk mund të përballojnë pushim vjetor, tregon analiza e portalit statistikor “Landgeist”, e bazuar në të dhënat e Eurostatit.

Pushim njëjavor vjetor jashtë vendit ku jetojnë nuk mund të përballojnë mbi 55 për qind e banorëve në Maqedoninë e Veriut.

Më keq se qytetarët e RMV-së në Evropë, qëndrojnë ata të Shqipërisë, ku 58,3% prej tyre nuk mund të shkojnë në pushim, të Turqisë (60,8%), Rumanisë (62,5%), Malit të Zi (67,2%) dhe Kosovës (69,5%), përcjell Telegrafi Maqedoni.

Në Greqi përqindja e njerëzve të cilët nuk mund të përballojnë pushim vjetor është 48,8, në Bullgari 43,8, në Serbi 43,6, në Kroaci 41,7, ndërsa në Slloveni 16,7 përqind.

Pushim më të gjatë se një javë gjatë vitit më së shumti mund të përballojnë banorët e Luksemburgut ku një mundësi të tillë nuk kanë vetëm 7,6 për qind, në Norvegji (7,9%), Zvicër (8,4%) dhe në Islandë (8,6%).

Në pushim nuk mund të shkojnë edhe 21,9% e gjermanëve, 23,4% e britanikëve, 25,4% e francezëve dhe 36,6% e spanjollëve./Telegrafi/

Lajme të ngjashme

Suad Daipi – Shef i Shtabit Zgjedhor të Alternativēs pēr Likovē.

Suad Avdiu

Migrimi po zbraz shkollat edhe në vendet e rajonit

Suad Avdiu

Sezoni i ri turistik me autostradë të pandërtuar

Suad Avdiu