Sektori për Punë të Brendshme Tetovë ka dal me të dhëna konkrete për të shtënat me armë zjarri ku mbetën të plagosur dy persona. Sipas MPB-së edhe 5 persona të tjerë janë në kërkim.
“Sot rreth orës 18:05 në SPB Tetovë është raportuar se para hyrjes në Qendrën Urgjente në Spitalin Klinik të Tetovës janë qëlluar me armë zjarri dy persona nga fshati Gajre i Tetovës, të cilët kanë pësuar lëndime me armë zjarri. Shërbimet e SPB Tetovë dhe prokurori publik janë në vendngjarje dhe po ndërmerren masa për gjetjen e pesë personave të dyshuar në lidhje me rastin. Ndryshe, këtij rasti sot i ka paraprirë edhe një përleshje fizike mes njërit prej të plagosurve dhe njërit prej të dyshuarve për pjesëmarrje në të shtëna me armë zjarri. Rasti është duke u zbardhur”, thonë nga MPB.
Ndërkohë siç raportuam më parë njëri nga dy të plagosurit është dërguar për në Shkup, ngaqë është në gjendje të rëndë shëndetësore.