“Vojcek”, një vepër nga George Buchner, me regji të japonezit Kuniaki Ida çeli sezonin e ri artistik në Teatrin Kombëtar.
Kjo vepër e shkruar në fillim të shek. XIX, komunikon me publikun përmes bashkëkohores, mbi transformimin e qenies njerëzore në një shoqëri të dhunshme.
Por “Vojcek” nuk është e vetmja premierë pasi dy të tjera si dhe një sërë rivëniesh do të jenë pjesë e skenës së teatrit kombëtar nga shtatori deri në dhjetor.
ALTIN BASHA
DREJTOR I TEATRIT KOMBETAR
“Do vazhdojmë me tre produksione të reja, një ngjarje e jashtëzakonshme TEATRORE DO të mbahet në nëntor, që është festivali “Moisiu”, një festival mbarëshqiptar i teatrit që përfshin Tiranën, Prishtinën dhe Shkupin. Nga ana tjetër do të prodhojmë një shfaqje të shkruar nga Viktor Zhusti i cili këtë herë vjen si dramaturg këtë radhë dhe quhet “Biznesmeni”.”
Edhe në këtë sezon Teatri vijon të ketë prioritet dramaturgjinë shqipe dhe rritjen e cilësisë së saj.
ALTIN BASHA
DREJTOR I TEATRIT KOMBETAR
“Teatrot shqiptare padyshim që e kanë shumë të rëndësishme cilësinë e produksionit dhe për të arritur cilësinë e produksionit patjetër që do të vënë në skenë dramaturgjitë më të mëdha botërore, por nga ana tjetër një teatër nuk do ta ketë kurrë të plotë profilin e tij kombëtar nëse në skenën e tij nuk ka dramë shqipe.”
Por numri i premierave dhe i shfaqjeve artistike sipas regjisorit Basha është i pamjaftueshem.
ALTIN BASHA
DREJTOR I TEATRIT KOMBETAR
“Asnjëherë nuk janë të mjaftueshme shfaqjet në tërësi për publikun e Tiranës. Kështu që ne e kemi shumë të nevojshme që teatrin ta shtrijmë në formë kapilare në të gjitha hapësirat e Tiranës dhe jo vetëm në qendër. Kemi një publik që e do teatrin, e do ngjarjen live kështu që në këtë kuptim kemi hapësira për më shumë produksione.”
Teatri Kombëtar fton po ashtu të gjithë të rinjtë që përmes konkurseve të bëhen pjesë e skenës teatrale, duke shkëmbyer eksperienca edhe me emrat e afirmuar të teatrit.