Gjykata e Posaçme ka vendosur në Dhomë Këshillimi mospranimin e ankimit të familjarëve të 21 Janarit. Këta të fundit kishin ankimuar vendimin e SPAK për të kaluar kallëzimin e tyre për kompetencë në Prokurorinë e Tiranës.
Fillimisht, familjarët e viktimave të 21 janarit kallëzuan në SPAK ish kreun e PD, Sali Berisha, deputetin Lulzim Basha dhe ish-gardistin Ndrea Prendi. SPAK shpalli moskompetencë për hetimin e kësaj çështjeje, ndaj të afërmit e të vrarëve në bulevardin “Dëshmorët e Kombit” dorëzuan një tjetër kallëzim në Prokurorinë e Posaçme.