Dy emra të Partisë Socialiste kanë dorëzuar këtë të hënë mandatin e tyre të deputetit. Besjan Ajazi dhe Benet Beci do të garojnë në zgjedhjet vendore të 15 majit, përkatësisht për Bashkinë Gramsh dhe atë të Shkodrës.
Sipas legjislacionit, vendin e Benet Becit do ta zërë Ilir Beqaj. Shkëlqim Bullari do të zëvendësojë kandidatin e PS për Gramshin, Besjan Ajazin.
Ndërkohë, nga radhët e opozitës kanë dorëzuar më herët mandatin Belind Këlliçi dhe Luçiano Boçi. Këlliçi do të garojë për Bashkinë e Tiranës dhe Boçi për atë të Elbasanit, të dy nën logon e koalicionit “Bashkë Fitojmë”.
Vendin e Belind Këlliçit në Kuvend do e zërë Asllan Dogjani, ndërkohë në “karrigen” e Luçiano Boçit do të ulet Qani Xhafa.