E hënë, 27 Mars 2023 – 11:40
FB: Katerina Sakelaropoulou
Presidentja e Greqisë, Katerina Sakelaropoulou, ka deklaruar se vendi që ajo udhëheq nuk ndryshon qëndrimin për Kosovën. “Qëndrimi i Greqisë, një nga të paktët anëtarë të BE-së që nuk e njohu pavarësinë e shpallur në mënyrë të njëanshme të Kosovës, mbetet i njëjtë”, shkruan Politika.rs, përcjell albinfo.ch.
“Në të njëjtën kohë, Greqia, përveç qëndrimit të saj të njohur për statusin e Kosovës dhe besnike ndaj politikës së saj në Ballkanin Perëndimor, ndjek një qasje pragmatike dhe konstruktive në raport me Kosovën, e cila synon forcimin e stabilitetit dhe sigurisë, si dhe një lëvizje të përgjithshme drejt integrimit në BE të gjithë rajonit, që dhe është synimi ynë strategjik”, ka thënë Sakelaropoulou, përcjell albinfo.ch. Presidentja greke thotë se ka shtuar politikat ndaj Kosovës në përputhje me pozicion e mëhershëm dhe, sipas saj, promovon zhvillimin dhe forcon stabilitetin dhe sigurinë në Ballkanin Perëndimor.
