TV News
Diaspora

SHBA deklarohet nëse ka rrezik të përdorimit të armëve bërthamore nga Rusia

E diel, 26 Mars 2023 – 17:00
albinfo.ch

Departamenti amerikan i Mbrojtjes tha se nuk ka indikacione se Rusia po përgatitet të përdorë armë bërthamore, pasi Moska njoftoi se do të dislokojë armë bërthamore taktike në Bjellorusi.

“Kemi parë raportime për njoftimin e Rusisë dhe do të vazhdojmë të monitorojmë këtë situatë”, tha Departamenti amerikan i Mbrojtjes përmes një deklarate.

“Ne nuk kemi parë asnjë arsye për të ndryshuar qëndrimin tonë strategjik bërthamor, apo ndonjë indikacion se Rusia po përgatitet të përdorë armë bërthamore. Ne vazhdojmë të jemi të përkushtuar në mbrojtjen kolektive të aleancës së NATO-s”, tha SHBA-ja, transmeton rel, përcjell albinfo.ch.

Putin thotë se Rusia do të vendosë armë bërthamore taktike në Bjellorusi

Më 25 mars presidenti rus, Vladimir Putin, njoftoi se ka arritur marrëveshje për të vendosur armë bërthamore taktike në territorin e aleates së ngushtë, Bjellorusisë, e cila kufizohet edhe me Rusinë, edhe me Ukrainën.



Lajme të ngjashme

Ndërrroi jetë këngëtari i njohur kumanovar Xhelal Xheladini

Suad Avdiu

Ka pushuar së rrahuri zemra e veteranit të Lëvizjes çlirimtare, Qani Dehari

Suad Avdiu

Studimi: Nuk ka vend në botë që nuk ka një shqiptar

Vlora Zenuni Hamiti