TV News
Shqipëri

Përplasje në PD për kandidatët/ Alibeaj kërkon të garojë në 61 bashki, grupi tjetër e kundërshton

24 orë para se të skadojë afati për dorëzimin e kandidatëve për zgjedhjet lokale të 14 majit, grupi i demokratëve që mban logon zyrtare të PD ende nuk ka një vendim si do të garojë në këtë betejë elektorale.

 

Mbledhja e Kryesisë përfundoi në orën 2 të mengjesit pa asnjë konkluzion, për shkak të debateve të ashpra mes dy grupimeve; grupimit që kërkon që të mos përçahet vota e opozitës dhe të mbështeten kandidatët e primareve dhe grupimit që kërkon që të garohet me kandidatë për kryetarë bashkie në të gjithë vendin.

 

Gazment Bardhi, Jorida Tabaku, Dhurata Çupi e Flamur Hoxha kanë mbrojtur qëndrimin se PD nuk duhet të nxjerrë kandidatë por të mbështesë demokratët e primareve.

 

Ky propozim është hedhur në votë dhe është rrëzuar pasi Enkelejd Alibeaj, Oriola Pampuri, Roland Bejko kanë mbrojtur idenë që PD duhet të ketë kandidatë në çdo bashki.

 

Megjithatë edhe varianti që PD të garojë në 61 bashki nuk gëzon mbështetje mes anëtarëve të Kryesisë.

 

Sot pasdite pritet të mblidhet sërish Kryesia për të vendosur në cilat bashki PD do të ketë kandidatë dhe në cilat jo.

Lajme të ngjashme

619 vjet nga lindja e Gjergj Kastriotit – Skënderbeut

Suad Avdiu

Fundjava e parë pa kufi Kosovë-Shqipëri, qytetarët: Jemi një komb, s’duhet të ketë kurrë kontrolle

Suad Avdiu

Sot shënohet Dita e Dëshmorëve, 5 Maj

Suad Avdiu