TV News
Diaspora

Osmani: Nuk do të heshtim e as dorëzohemi deri në zbardhjen e fatit të zhdukurve me dhunë

E diel, 26 Mars 2023 – 15:40
albinfo.ch

Presidentja e Kosovës Vjosa Osmani ka bërë homazhe në Krushë të Madhe dhe në Krushë të Vogël, në 24 vjetorin e masakrave në këto fshatra.

“Zemrat e copëtuara të nënave, grave, motrave e fëmijëve të Krushës së Madhe dhe asaj të Vogël, ende kërkojnë drejtësinë e munguar, 24- vjet nga mizoria e regjimit gjenocidal të Serbisë” tha Osmani. Ajo shtoi se asnjëherë nuk do të heshtin derisa drejtësia të vihet në vend, derisa të zbardhet fati i intelektualit Ukshin Hoti dhe të të zhdukurve të tjerë me dhunë, transmeton albinfo.ch.

“Këtë ia kemi borxh të kaluarës, të tashmes dhe të ardhmes sonë. Këtë ia kemi borxh vlerave të lirisë dhe paqes, të cilat qëndrojnë mbi fatin e dhimbshëm të viktimave të Krushës dhe mijërave të tjerave anekënd Kosovës”, theksoi presidentja

Osmani tha mes tjerash se liria është rezultat i të rënëve, heronjve dhe kontributit të Ushtrisë Çlirimtare të Kosovës.

 

 



Lajme të ngjashme

Vazhdon organizimi masiv i VLEN-it për mërgatën

Suad Avdiu

Nesër voton Diaspora

Suad Avdiu

Gashi nga Cyrihu: Jemi të interesuar ta ndryshojmë jetën e shqiptarit në Maqedoni

Suad Avdiu