TV News
Sport

Milani mundet nga Fiorentina/ Atalanta ndalet në barazim, Monza mund Empolin

Me 3 ndeshjet e zhvilluara dje, ka startuar java e 25 e kampionatit italian të futbollit.

 

Sfida më e rëndësishme ishte përballja mes Fiorentinës dhe Milanit. Një takim që riktheu kuqezinjtë në ujëra të turbullta. Ishte ekipi i Fiorentinës, që vuri diktat në pjesën e parë, duke shenjestruar disa herë portën e Milanit, por ishte meritë e portierit, që mbajti rrjetën e paprekur në pjesën e parë.

 

Me fillimin e fraksionit të dytë të ndeshjes, në min e 48, Fiorentina kaloi në avantazh me anë të Gonzales, që ktheu në gol një penallti, në favor të ekipit vjollcë. Reagimi i ekipit të Piolit ishte i vakët, me disa raste sporadike. Në minutën e 87, Joviç dyfishoi shifrat për ekipin e Fiorentinës.

 

Vetëm në fundin e takimit, Milani me një kundërsulm të shpejtë, shkurtoi diferencën e golave, në shifrat 2 me 1. Kjo humbje e kuqezinjve, vjen pak para takimit deçiziv, që do të kenë në Champions League, përball Totenhem.

 

Në ndeshjet e tjera të serie A, Atalanta nuk shkoi më shumë se një barazim pa gola kundër Udinezes, ndërsa Monza mundi Empolin me shifrat 2 me 1. Pas javës së 25, është Napoli që kryeson bindshëm me 65 pikë, i ndjekur nga Lazio me 48 pikë, ndërsa Inter dhe Milan kanë nga 47 pikë.

Lajme të ngjashme

Karim Adeyemi prek finalen e Ligës së Kampionëve, Loredana ”qan” nga gëzimi!

Suad Avdiu

Xavi Simons dëshiron rikthimin te Barcelona

Suad Avdiu

Zbulohet arsyeja pse Real Madridi refuzoi që të marrë trofeun e La Ligas në ndeshjen ndaj Granadas

Suad Avdiu