E shtunë, 25 Mars 2023 – 21:00
I(Pool Photo via AP)
Autoritetet ruse thonë që kanë arritur marrëveshje me autoritetet bjelloruse për të stacionuar armë nukleare në territorin e këtyre të fundit. Këtë e bëri të ditur të shtunën vetë Vladimir Putin. Ai tha se marrëveshja u arrit me presidentin e Bjellorusisë dhe aleatin e tij më të ngushtë, Aleksander Lukashenko, shkruan DW, përcjell albinfo.ch.
“S’ është asgjë e jashtëzakonshme, SHBA-ja e bën me dekada të tëra këtë. Ka kohë që kanë stacionuar armët e tyre në territorin e aleatëve të vetë”, është shprehur Putin. Ai tutje ka shtuar se Lukashenko ka kohë që e ka përmendur si çështje stacionimin e armëve, meqë vetë Bjellorusia nuk ka armë nukleare dhe tashmë ndihet e kërcënuar nga Polonia, anëtare e NATO-s, shkruan DW, përcjell albinfo.ch.
Autokrati rus shtoi se Moska do të përfundojë ndërtimin e objektit në Bjellorusi deri në korrik, por u shpreh se kontrollin e armëve nuk do ta dorëzojë tek aleati, raporton DW, përcjell albinfo.ch.
