TV News
Shqipëri

Kurti takon kandidaten për kryetare të Zvecanit, thirrje serbëve: Mos bojkotini zgjedhjet

Kryeministri i Kosovës, Albin Kurti është takuar me kandidaten për kryetare të Komunës së Zveçanit, Sladjana Pantic.

 

Kreu i qeverisë ka thënë se pjesëmarrja në zgjedhje e jo bojkotimi i tyre kontribuon në zhvillimin e demokracisë .

 

ZYRA E KRYEMNISTRIT

“Zgjedhjet e lira dhe të drejta, e pluralizmi politik janë parakusht i demokracisë. Në zgjedhjet e prillit të këtij viti në katër komunat veriore të Republikës së Kosovës, qytetarët kanë mundësinë të krijojnë zë të fuqishëm përmes përfaqësuesve të zgjedhur e të jenë pjesë e vendimmarrjes. Kështu qytetarët tregojnë fuqinë e tyre brenda një shteti demokratik si Kosova. Pjesëmarrja e jo bojkoti i kontribuon edhe zhvillimit të demokracisë edhe adresimit të nevojave të komunitetit.”

 

Lista Serbe ka deklaruar se vendimi i saj për të mos marrë pjesë në zgjedhjet e jashtëzakonshme në katër komunat në veri të Kosovës është si pasojë e dhunës së vazhdueshme institucionale të ushtruar ndaj popullit serb nga regjimi i kryeministrit Kurti.

Komunat veriore janë pa kryetarë që nga dorëheqja e serbëve në nëntor të vitit të shkuar, pas vendimit të Qeverisë së Kosovës për çështjen e targave.

 

Zgjedhjet për komunat veriore fillimisht ishin parashikuar të mbaheshin në mes të dhjetorit. Më pas ato u shtynë për në datën 23 prill pas kërkesës së bashkësisë ndërkombëtare, ku dhe pati tensione.

Lajme të ngjashme

Rritje me 64 për qind e netëqëndrimeve të turistëve të huaj në Shqipëri

Suad Avdiu

Martesat brenda të njëjtës gjini/ Shqipëri: Kisha reagon për martesën e dy vajzave

Suad Avdiu

619 vjet nga lindja e Gjergj Kastriotit – Skënderbeut

Suad Avdiu