“Muaji i Ramazanit është muaji në të cilin filloi të shpallet Kur’ani, që është udhërrëfyes për njerëzit dhe sqarues i rrugës së drejtë dhe dallues (i të vërtetës nga e kota), e kush përjeton prej jush këtë muaj, le të agjërojë, ndërsa kush është i sëmurë ose në udhëtim, le të agjërojë aq ditë nga ditët e mëvonshme. All-llahu me këtë dëshiron lehtësim për ju, e nuk dëshiron vështirësim për ju. (Të agjëroni ditët e lëshuara më vonë) Që të plotësoni numrin, ta madhëroni All-llahun për atë se u udhëzoi dhe që të falënderoni.” (El Bekare- 185).
Paqja, shpëtimi dhe bekimet e Allahut qofshin mbi të Dërguarin tonë Muhamedin (a.s) i cili ka thënë:
“Ai që agjëron Ramazanin me bindje, sinqeritet e përkushtim të plotë, do t’i falen mëkatet e tij të më hershme”.
Të nderuar besimtarë, sonte, besimtarët muslimam fillojnë agjërimin e muajit të bekuar të Ramazanit, andaj kemi nderin dhe respektin që në emër të Muftinisë së BFI-së Kumanovë, të ju shprehim urimet më të përzemërta me rastin e ardhjes së muajit të Ramazanit, duke ju dëshiruar agjërim të lehtë e të pranuar tek Zoti ynë.
Të nderuar besimtarë, agjërimi i Ramazanit është një ibadet që bartë në vete urtësinë, devotshmërinë ndaj Krijuesit, ngase ky ibadet bëhet vetëm për Të, me bindje që Krijuesi të e shpërblejë në botën tjetër.
Dobitë e agjërimit janë të shumta në numër, andaj shfrytëzoni rastin e muajit të Ramazanit me mirësitë e tij, shtoni përpjekjet tuaja dhe intensifikoni ato me përulje dhe lutje Zotit.
Agjërimi është një vepër që na përgatit për t’u pajisur me virtyte të larta dhe e bën njeriun që të jetë më bujar.
Po na vjen ky muaj i bekuar në të cilin duhet të jemi më unik dhe më të bashkuar ku një ditë të dëgjojmë thirrjen nga Allahu duke thënë: “Ky është Xhenneti që ju e keni merituar për atë që keni punuar”.
Në fund, të nderuar, më lejoni që nga ky mesazh t’ua uroj edhe një herë ardhjen e muajit të Ramazanit të gjithë besimtarëve musliman kudo që janë duke lutur të madhin Zot që ta pranon agjërimin tonë, namazin, lutjet dhe gjitha veprat e mira.
Muftinia e BFI-së Kumanovë Muftiu- h. Abedin ef. Imeri
Televizioni News
https://youtu.be/zMgp-5WgzRo