TV News
Diaspora

Dy shqiptarë nga Austria, në pranga për mashtrimin me kriptovaluta

Arrestohen dy shqiptarët në Austri, mashtronin qytetarët dhe u kërkonin të investonin në kriptovaluta, skema që u ‘dhuroi’ afro 20 mijë euro

E mërkurë, 22 Mars 2023 – 11:40
albinfo.ch

Mediat austriake raportojnë se një 31-vjeçar shqiptar dhe një 43-vjeçar, shqiptar i Kosovës janë vënë nën hetim nga policia austriake pasi akuzohen se kanë shkaktuar një dëm prej 10 eurosh përmes një faqeje brokerimi i investimit në valuta, përcjell albinfo.at.

Mediat austriake shkruajnë se të dy shqiptarët, banues në Salzburg kanë kontaktuar një afgan 41-vjeçar me banim në qytetin e Salzburgut përmes mesazheve dhe e kanë bindur atë që të investojë në kriptovaluta.

Thuhet se paratë e investuara nga 41-vjeçari janë transferuar më pas tek llogaritë e shqiptarëve. Pas transferimit të parave, shqiptarët kanë ndërprerë çdo kontakt me afganin. Ky i fundit është paraqitur dhe ka denoncuar shqiptarët për marrjen e 10 mijë eurove përmes mashtrimit.

Në një rast tjetër, të njëjtit persona kanë kontaktuar një 41-vjeçar në qytetin e Salzburgut për më shumë se gjysmë viti me numra të ndryshëm telefoni dhe i kanë kërkuar të investojë në kriptovaluta. Edhe këtij personi, i kanë marrë gati 10 mijë euro.

Tashmë shqiptarët akuzohen për mashtrim të rëndë. Ata janë vënë në pranga dhe do të përballen me drejtësinë.



Lajme të ngjashme

Mërgimtarët në Zvicër hapin dyert për liderët e Lidhjes Europiane për Ndryshim

Suad Avdiu

Shqiptari nga Turqia e çon në vend amanetin e nënës, boton librin “Prekazi”

Vlora Zenuni Hamiti

Kryeministri Kurti takohet në Vjenë me këshilltarin shqiptar në Austri, Fidan Limani

Suad Avdiu