Lista Serbe ka reaguar pasi Paneli Zgjedhor për Ankesa dhe Parashtresa (PZAP), kanë miratuar ankesën e kësaj partie lidhur me moscertifikimin nga KQZ për zgjedhjet e 9 shkurtit.
Lista Serbe, e cilësoi vendimin e KQZ-së si përpjekje “për eliminimin e Listës Serbe” nga procesi zgjedhor.
E gjithë kjo, sipas këtij subjekti, u bë për të “favorizuar serbët e përshtatshëm me [kryeministrin e Kosovës, Albin] Kurti pasi çdo gjë është realizuar drejtpërdrejt nën urdhrin e tij dhe është motivuar politikisht”.
Kjo parti, gjithashtu ka theksuar se tani KQZ-ja është e detyruar të veprojë sipas vendimit të PZAP-it.
Mes tjerash Lista Serbe ka shtuar se mbetet të shihet nëse ky komision do të “vazhdojë të shkelë ligjin dhe rregulloret e veta dhe të veprojë sipas presionit të drejtpërdrejt politik nga autoritetet në Prishtinë”.
“KQZ është e obliguar të veprojë me vendimin e Panelit Zgjedhor për Ankesa dhe Përfaqësime dhe ta certifikojë Listën Serbe për pjesëmarrje në zgjedhje dhe tani mbetet të shihet nëse KQZ do të vazhdojë të shkel ligjin dhe rregullat dhe procedurat e veta sipas presion direkt politik nga autoritetet në Prishtinë”, thuhet në njoftimin e tyre.