Ministri i Financave, Hekuran Murati, ka bërë të ditur se qytetarët që nuk kanë nevojë për shtesat e fundvitit prej 100 eurosh për fëmijë dhe pensionistë mund të heqin dorë nga këto përfitime përmes një formulari online.
Sipas Muratit, shtesat janë mirëpritur nga shumica e qytetarëve, por disa individë kanë deklaruar se nuk kanë nevojë për to.
Për këtë arsye, Murati ka njoftuar se ministria ka përgatitur një mënyrë të thjeshtë dhe të shpejtë për t’u larguar nga lista e përfituesve.
“Jam i bindur që disa deputetë të opozitës dhe disa analistë do të jenë të parët që do ta plotësojnë. Andaj mos hezitoni t’a ndani edhe me ta këtë formular”.
“Formulari mund të plotësohet për vetëm 2 minuta në linkun: https://see.rks-gov.net,” ka shkruar Murati në Facebook.