Luka Modric erdhi nga pankina për të dhënë asistimin që i dha Real Madridit fitoren kundër Celta Vigos.
Kjo fitore ishte gjithashtu e 250-ta e Modric në La Liga që kur u bashkua me klubin.
Modric kishte një mesazh për të gjithë madrilenët.
“Përshëndetje Madridistë, jemi shumë të lumtur për fitoren, ishte shumë e rëndësishme të fitonim sot”, tha Modric.
“Jam gjithashtu i lumtur që fitoj një ndeshje në La Liga për herë të 250. Le të vazhdojmë kështu. Hala Madrid!”
Presidenti i Madridit, Florentino Perez, ishte aty për të pozuar me fanellën e nderit të fitores së 250-të të Modric pas ndeshjes.
/GazetaBlic Sport/