“Puzzle” i Decos: Sa ka para, kush mund të largohet dhe kush mund të vijë te Barcelona

Pasi u eliminua nga Liga e Kampionëve, pa opsione për të fituar La Ligën dhe me Xavi të konfirmuar si trajner, Barcelona tashmë ka nisur punën për të bërë skuadrën për sezonin e ardhshëm.

Por problem mbetet Fair Play Financiar. Sot për sot,  Barcelona e tejkalon faturën e pagave të saj dhe po penalizohet pasi nuk ka marrë ende 40 milionë euro që Libero duhej të paguante vitin e kaluar për shitjen e një përqindjeje të Barça Studios.

Aktualisht, Deco, drejtori sportiv i Barcelonës po përgatitet për një verë tjetër plot enigma për të forcuar skuadrën sa më mirë që mundet.

Deco ka në tryezë nj listë me planin A, një tjetër me planin B, pastaj C dhe kështu me radhë deri, pothuajse gjysmën e alfabetit. Ai do të marr atë që mundet, pasi ata që janë në listën A, vështirë të afrohen, përveç nëse ndodh një mrekulli, që është ajo që do të donte ai.

Në varësi të parave, pozita që ata duan për përforcohen është ajo e mesfushës me emra si: Martin Zubimendi, Amadou Onana dhe Joshua Kimmich në listë. Nëse ka para, drejtori sportiv dhe Xavi do të ulen për të parë se cili është opsioni më i mirë.

Nëse para nuk vijnë, opsioni do të jetë Guido Rodriguez ose kushdo tjetër që vjen si lojtar i lirë.

Nëse ka para, Barcelona do të mund të kërkonte një anësor, pasi Joao Felix vështirë se do të vazhdojë. Këtu duhet të merret parasysh edhe me kthimin e Ansu Fatit nga Brighton. Do të provohet edhe një huazim i sërish i Joao Cancelos.

Në klub është menduar edhe shitja e lojtarëve. Ronaldo Araujo, Frenike De Jong dhe Raphinha janë ata që kanë më shumë opsione për t’u larguar sepse kanë një vlerë të lartë tregu.

Transferimet e tyre do të kishin një ndikim të rëndësishëm në faturën e pagave, duke i hapur rrugën edhe nënshkrimit të një mesfushori si Bernardo Silva.

E vetmja mënyrë për të ardhur portugezi është shitja e një lojtari të rëndësishëm nga skuadra aktuale.